Agar aapka Aadhaar card aapke address par nahi pahucha ya aapka aadhaar card kahi gum ho gaya hai to ghabaraiye nahi kyoki aap bohot asaani se internet se aadhaar card download kar sakte hai.
Online aadhaar card download karna bilkul free hai, aur uski manyata bilkul original card jaisi hi hai.
Aadhaar card do tariko se nikal sakta hai. Ya to UID ke dwara ya fir EID ke dwara.
UID : Aadhaar card par diye gae 12 digit number ko UID (Unique ID) kehte hai. UID ka isitimaal karke aadhaar card nikalne ke liye aapka mobile number aadhaar card ke sath juda hona jaroori hai, agar aapka mobile number nahi juda hua hai to aap EID ka use kar sakte hai.
EID : EID ko hum Enrollment ID bhi kehte hai. Ye Id aapke enrollment form par likhi hoti hai. Enrollment form wo form hai jo aapko Aadhaar card banawne ke baad diya jata hai. Hum is form par likhi poori id cahiye hogi, poori id me EID ke saath saat date aur time bhi hota hai.
EID ke istimaal se Aadhaar card kaise nikale?
Sabse pehle to aapko aadhaar ki website par jana hoga.
Website par ek form bana hoga. Hume is form ko bharna hoga aadhaar card nikalne ke liye.
Check kare ki “I have” ke aage“Enrollment Id” par hi “.” dot lagi hui hai.
Phir aapne Enrollment form me se dekhkar bilkul ek jaisi details yaha form me daal de. Bilkul ek jaisi ka matlab agar aapka Naam Enrollment form me galat hai to yaha bhi galat hi dalega. (Galat details hum change bhi kar sakte hai).
Aap yaha apna ya apne parivaar ke kisi bhi sadasya ka mobile number daal sakte hai. Aapke pass Aadhaar card nikalte samye ye mobile hona jaroori hai kyoki ispar abhi ek message aayga. (Ek mobile number par 5-6 baar hi aadhaar card nikal sakta hai.)
Mobile number daalne ke baad “Get one Time Password” par click kare. Click karne ke 2-3 min ke andar aapke mobile par ek message aa jayga, Is message me se code padhkar Neechen diye gaye “Enter OTP” field mai bhare.
Validate & Download par click kare. Agar aapke sabhi details sahi bhari hogi to aapka Aadhaar card click karte hi download ho jayga.
Download kiye gaye Aadhaar card ko kholte wakat computer aapse password poochega. Ye password jo aapke upar form me PIN code bhara tha, wahi PIN code is form ka password hai.
UID ka istimaal karke Aadhaar card kaise prapt kare?
Agar aapko apni UID (Aadhaar number) pata hai aur apka mobile number Aadhaar card ke sath sahi se juda hua hai to aap bilkul aasaani se aadhaar card nikal sakte hai.
Aadhaar card ki website par jaiye.
Yaha se I have ke aage di gayi doosri yani Aadhaar wali dot select kijiye. Neeche diye gaye form ko bhariye.
Isme sabse upar wali field me aapka Aadhaar number dalega. Poore form ko ekdum sahi sahi bharke “Get One Time Password” par click kijiye.
Website aapko apka number check karne ke liye aapke number ke 4 aakri ki digit dikhaegi. Agar yahi number aapke pass is wakt mojood hai to“confirm” par click kijiye.
Aapke mobile par Ed message aega, Is message me se password dekhkar neech diye gae “Enter OTP” field me bhare. Uske baad “Validate & Download” par click kare.
Click karte hai aapka Aadhaar card download hona shuru hojayga.
Agar aapko Aadhaar card download karne se sambandhit koi bhi problem aati hai to neeche diye gaye comment box me comment kare.
Article padhne ke liye Thank you 
0 comments:
Post a Comment